МЭНДЧИЛГЭЭ

Төр түмнийхээ төлөө зүтгэж явсан үе үеийн ахмадууд, тэдгээрийн гэр бүлийнхэн, эдүгээ энэ албанд бие сэтгэл, мэдлэг чадвараа дайчлан ажиллаж байгаа бүртгэлийн ажилтан, албан хаагчид, хамтран ажилладаг байгууллага, хамт олон, ард иргэд та бүхэндээ чин сэтгэлийн мэндчилгээ дэвшүүлье.

Говьсүмбэр аймгийн Улсын бүртгэлийн хэлтэс нь төрийн үйлчилгээг иргэдэд түргэн шуурхай, хүртээмжтэй хүргэх, бүртгэлийн үйлчилгээг олон нийтэд ил тод байлгах, мэдээлэл авах эрхийг нь хангах,иргэдийн шүүмжлэл, гомдол мэдээллийг хүлээн авч шийдвэрлэх, олон нийт та бүгдээс үнэлгээ авах зорилгоор энэхүү цахим хуудсыг нээн ажиллуулж байна.

Иргэд олон нийт та бүхэн энэхүү цахим хуудсаар Улсын бүртгэлийн үйл ажиллагаатай танилцаж, шаардлагатай мэдээ, мэдээлэл авахын зэрэгцээ бүртгэлийн үйл ажиллагааны талаар  гомдол, шүүмжлэл,  санал, сэтгэгдлээ үлдээн бичих боломжоор хангагдаж байгаа юм. Та бүгд бидний үйл ажиллагааг улам сайжруулж өөрсдийн хууль ёсны эрх ашгийг хангахын тулд үнэтэй  шүүмжлэл, гомдол, саналаа манай цахим хуудсанд үлдээнэ гэдэгт  найдаж байна. 

Ингээд цахим хуудсанд зочилон буй Эрхэм танд байгууллагынхаа нэрийн өмнөөс чин сэтгэлийн талархал илэрхийлж, ажил хөдөлмөрийн арвин их амжилт, амьдралд тань эрүүл энх, аз жаргал сайн сайхан бүхнийг хүсэн ерөөе